பிரதேச செயலகம் - ரம்புக்கனை

උදම්විට ශ්‍රී මලියදේව අරහන්ත පුරාණ ටැම්පිට විහාරය.

උදම්විට ටැම්පිට විහාරය ශ්‍රී ලංකාවේ බෞද්ධ ඉතිහාසය, ආගමික උරුමය සහ සංස්කෘතික වටිනාකම් සමඟ ගැඹුරින් බැඳී ඇති ඓතිහාසික විහාරස්ථානයකි. ශතවර්ෂ ගණනාවක් පුරා විකාශනය වූ මෙම පූජනීය ස්ථානය, දේශයේ බුද්ධ ශාසනය අභියෝග රැසකට මුහුණ දුන් යුගයන්ගේ සාක්ෂියක් ලෙස අදටත් අභිමානයෙන් නැඟී සිටී.

19 වන සියවස ආරම්භ වන විට ශ්‍රී ලංකාවේ බෞද්ධ සංස්ථාව දැඩි පසුබෑමකට ලක්ව තිබුණි. පෘතුගීසි, ලන්දේසි සහ පසුව බ්‍රිතාන්‍ය යටත් විජිත පාලකයන්ගේ දිගුකාලීන බලපෑම් හේතුවෙන් බොහෝ විහාරස්ථාන විනාශයට පත්වූ අතර, බෞද්ධ ආගමික ජීවිතයද අවපීඩනයට ලක් විය. එම සමයේ විවිධ මිෂනාරි ක්‍රියාකාරකම් හරහා ජනතාව වෙනත් ආගම් වෙත හරවා ගැනීමේ උත්සාහයන් ද ව්‍යාප්තව පැවතිණි.

එවැනි අභියෝගාත්මක වාතාවරණයක් තුළ වැලිවිට ශ්‍රී සරණංකර සංඝරාජ හිමියන්ගේ නායකත්වයෙන් ආරම්භ වූ බෞද්ධ පුනර්ජීවනය ශ්‍රී ලාංකීය බුද්ධ ශාසනයට නව ජීවයක් ලබා දුන්නේය. එම පුනර්ජීවන ව්‍යාපාරයේ ප්‍රබල ධර්මධරයකු වූ මිගෙට්ටුවත්තේ ගුණානන්ද හිමියන් බද්දේගම, උදම්විට, වරාගොඩ, ලියනගේමුල්ල, ගම්පොල සහ පානදුර යන ප්‍රදේශවල පැවැති ආගමික වාද විවාද රැසකට සහභාගී වූහ. මෙම වාද විවාදයන් ජාත්‍යන්තර අවධානයට ලක් වූ අතර, ඒවා පිළිබඳව පළ වූ වාර්තා කියවීමෙන් අනතුරුව හෙන්රි ස්ටීල් ඕල්කට් මහතා 1880 වසරේ ශ්‍රී ලංකාවට පැමිණීමට පෙළඹුණු බව ඉතිහාසයේ සඳහන් වේ.ඒ් නුව උදම්විට වාදය ලෙස හැදින්වෙන තුන්වන වාදය මෙම විහාරස්ථනයේ පවත්වා ඇති බවට සාධක පවතී.

විහාරස්ථානයේ විශේෂත්වයක් වන්නේ එහි පැවති ටැම්පිට විහාර ගෘහයයි. කාලයත් සමඟ එය ප්‍රතිසංස්කරණය කර නවීකරණය කර තිබුණද, එහි තිබූ පැරණි බිතුසිතුවම් සහ මුල් ස්වරූපයේ අංග බොහොමයක් අහිමි වී ඇත. පැරණි ප්‍රතිමා ගෘහය රැඳී තිබූ කළුගල් කුළුණු ද නව ගොඩනැගිලි සැලසුම් අතරින් ඉවත් වී තිබේ. එසේ වුවද, මෙම ස්ථානය තවමත් කන්ද උඩරට යුගයේ විහාර නිර්මාණ ශිල්පයේ මතක සටහන් රැසක් රඳවාගෙන සිටී.

ජනප්‍රවාද සහ දේශීය විශ්වාසයන්ට අනුව, ශ්‍රී ලංකාවේ අවසන් රහත් තෙරුන් වහන්සේ ලෙස සැලකෙන ශ්‍රී මලියදේව මහරහතන් වහන්සේ යම් කාලයක් මෙම විහාරස්ථානයේ වැඩ වාසය කළ බව කියැවේ. එම හේතුවෙන් මෙම විහාරස්ථානය “ශ්‍රී මලියදේව අරහන්ත පුරාණ විහාරය” යන නාමයෙන්ද ප්‍රචලිත වී ඇත.

උදම්විට විහාරස්ථානයේ ඉතිහාසය අනුරාධපුර රාජධානි යුගය දක්වා දිවෙන බව පුරාවිද්‍යාත්මක සාක්ෂි මඟින් හෙළි වේ. විහාර භූමිය තුළ අදටත් දැකගත හැකි පැරණි අබලන් ස්ථූපයක් සහ ගල් කොතක් එම ඓතිහාසික උරුමයේ සුවිශේෂී සාක්ෂි ලෙස සැලකේ.

ඉතිහාසය, ආගමික වටිනාකම්, පුරාවිද්‍යාත්මක උරුමය සහ ජනප්‍රවාද රැසක් එක්ව ගොඩනැගුණු උදම්විට ශ්‍රී මලියදේව අරහන්ත පුරාණ ටැම්පිට විහාරය, ශ්‍රී ලංකාවේ බෞද්ධ සංස්කෘතික උරුමය අනාගත පරපුරට රැගෙන යන අගනා පූජනීය ස්ථානයක් ලෙස සැලකේ.

Udamwita Sri Maliyadeva Arahant Ancient Tampita Viharaya

Udamwita Tampita Viharaya is a historic temple deeply intertwined with the Buddhist history, religious heritage and cultural values ​​of Sri Lanka. This sacred place, which has evolved over the centuries, still stands proudly today as a testament to the eras when Buddhism in the country faced many challenges.

By the beginning of the 19th century, the Buddhist establishment in Sri Lanka was in a state of severe decline. Due to the prolonged influence of the Portuguese, Dutch and later British colonial rulers, many temples were destroyed, and Buddhist religious life was also depressed. During that period, attempts to convert the people to other religions through various missionary activities were also widespread.

In such a challenging environment, the Buddhist revival that began under the leadership of Venerable Weliwita Sri Saranankara Sangharaja Thero gave new life to the Buddhist order in Sri Lanka. A strong stalwart of the revival movement, Venerable Migettuwatte Gunananda Thero, participated in a number of religious debates held in Baddegama, Udamwita, Waragoda, Liyanagemulla, Gampola and Panadura. These debates attracted international attention, and it is said in history that after reading the reports published about them, Mr. Henry Steel Olcott was inspired to visit Sri Lanka in 1880. There is evidence that the third debate, known as the New Udamwita Debate, was held at this temple.

A special feature of the temple is the Tampita Viharaya. Although it has been renovated and modernized over time, many of its old murals and original features have been lost. The granite pillars that housed the old statue house have also been removed from the new building plans. However, the site still retains many reminders of the temple architecture of the Kanda period.

According to folklore and local beliefs, Sri Maliyadeva Maharathan Thero, considered to be the last Arahant of Sri Lanka, is said to have resided in this temple for some time. Due to this, this temple is also known as the “Sri Maliyadeva Arahantha Purana Viharaya”.

Archaeological evidence reveals that the history of the Udamwita temple dates back to the Anuradhapura Kingdom period. An old dilapidated stupa and a stone tower that can still be seen within the temple grounds are considered to be unique evidence of that historical heritage.

The Udamwita Sri Maliyadeva Arahantha Purana Tampita Viharaya, built with a combination of history, religious values, archaeological heritage and folklore, is considered a precious sacred place that carries the Buddhist cultural heritage of Sri Lanka to future generations.

விவரங்கள்

මුවපිටිය ශ්රී සුධර්මාරාම පුරාණ ටැම්පිට විහාරය.

කෑගල්ල දිස්ත්‍රික්කයේ රඹුක්කන නගරයට ආසන්න මුවපිටිය ගම්මානයේ පිහිටි මුවපිටිය ශ්‍රී සුධර්මාරාම පුරාණ ටැම්පිට විහාරය ශ්‍රී ලංකාවේ මහනුවර යුගයට අයත් වටිනා බෞද්ධ උරුමයන්ගෙන් එකකි. නිස්කලංක පරිසරයක පිහිටි මෙම විහාරස්ථානය එහි අද්විතීය ටැම්පිට විහාර මන්දිරය, මහනුවර සම්ප්‍රදායට අයත් බිතුසිතුවම් සහ පුරාවිද්‍යාත්මක වටිනාකම් හේතුවෙන් ඉතිහාසයට හා සංස්කෘතියට ඇලුම් කරන සංචාරකයන්ගේ අවධානය දිනාගන්නා ස්ථානයකි.

මෙහි ප්‍රධාන ආකර්ෂණය වන ටැම්පිට විහාර මන්දිරය මහනුවර යුගයේ ඉදිකරන ලද බවට විශ්වාස කෙරේ. මෙම විහාර මන්දිරය අඩි තුනක් පමණ උසැති ගල් කණු 13ක් මත ඉදිකර ඇති අතර, එය ශ්‍රී ලංකාවේ ටැම්පිට විහාර ගෘහ නිර්මාණ ශිල්පයේ විශිෂ්ට නිදසුනකි. ප්‍රධාන මන්දිරයට ඉදිරිපසින් මණ්ඩපයක් පසුව එක්කර ඇති අතර, මන්දිරය වටා සංචාරය කළ හැකි පටු ප්‍රදක්ෂිණා මාර්ගයක්ද දක්නට ලැබේ.

විහාර මන්දිරයේ අභ්‍යන්තරය මහනුවර සම්ප්‍රදායට අයත් අලංකාර බිතුසිතුවම්වලින් සැරසී තිබේ. බුද්ධ චරිතය හා බෞද්ධ ආගමික තේමාවන් නිරූපණය කරන මෙම සිතුවම් අතර සත්සතිය වැනි දර්ශනද දැකිය හැකිය. මන්දිරය තුළ මධ්‍යයේ වැඩ හිඳින බුද්ධ ප්‍රතිමාවක් සහ ඒ දෙපස සිටින බුද්ධ ප්‍රතිමා දක්නට ලැබේ. ඒ වගේම දේව ප්‍රතිමාද මෙහි තැන්පත් කර ඇත.

රඹුක්කන නගරයේ සිට කිලෝමීටර් 4ක් පමණ දුරින්, රඹුක්කන–කිරිවන්දෙණිය මාර්ගය ආසන්නයේ පිහිටි මෙම විහාරස්ථානය, නිස්කලංක පරිසරයක ආගමික භක්තියත්, පුරාණ ගෘහ නිර්මාණ ශිල්පයත්, ශ්‍රී ලාංකීය සිතුවම් කලාවත් එකවර අත්විඳිය හැකි සුවිශේෂී සංචාරක ගමනාන්තයකි. ඉතිහාසය, පුරාවිද්‍යාව සහ බෞද්ධ සංස්කෘතිය පිළිබඳ උනන්දුවක් දක්වන ඕනෑම අයෙකුට මුවපිටිය ටැම්පිට විහාරය අනිවාර්යයෙන්ම නැරඹිය යුතු වටිනා උරුමයකි.

770729500 122188705766932186 1743068276842848515 n

770823162 122188705964932186 4752754249608512089 n

770901876 122188705790932186 6170021442237937780 n

771617537 122188705670932186 8210790690848069646 n

771751538 122188705676932186 8861761536135174044 n

771821055 122188705712932186 203289559225113812 n

771929379 122188705652932186 1536308433812487151 n

772074485 122188706054932186 7000872897092619772 n

772102463 122188705844932186 3204674724280032329 n

772697413 122188705730932186 6246814340113927881 n

விவரங்கள்

කඩිගමුව ටැම්පිට විහාරය...

_____________________________________

කඩිගමුව ටැම්පිට විහාරය ලෙස ප්‍රසිද්ධ මෙම විහාරස්ථානයේ සම්පූර්ණ නාමය "ශ්‍රී නාගවනාරාම රාජමහා විහාරය" වේ. මෙය ශ්‍රී ලංකාවේ සබරගමුව පළාතේ, කෑගල්ල දිස්ත්‍රික්කයේ, රඹුක්කන ප්‍රදේශයට ආසන්න කඩිගමුව ගම්මානයේ පිහිටි ඉතා වටිනා පුරාවිද්‍යාත්මක හා ආගමික විහාරස්ථානයකි.

ටැම්පිට විහාරයක් කියන්නේ මොකද්ද?

ටැම්පිට විහාරය කියන්නේ, ගල් කුළු මත හෝ ගල් තට්ටු මත ඉදි කරන ලද විහාර ගෘහයකි.

මෙවැනි විහාර ගෘහ භූමියෙන් ඉහළට උස් කර ලී, මැටි (wattle & daub) සහ උළු වහල භාවිතා කර තෙතමනයෙන් හා කෘමි හානි වලින් ආරක්ෂා වන ලෙස
ඉදිකර තිබීම විශේෂ ලක්ෂණයකි.

මෙම ගෘහ නිර්මාණ ශෛලිය විශේෂයෙන් මහනුවර යුගයේ (16–18 සියවස්) බොහෝ ජනප්‍රිය විය.

කඩිගමුව විහාරයේ විශේෂත්වය

ශ්‍රී ලංකාවේ ටැම්පිට විහාර බොහෝ තිබුණත් එකම විහාර භූමියක ටැම්පිට විහාර ගෙයි දෙකක් තිබීම අතිශය දුර්ලභ දෙයකි.

කඩිගමුව විහාරයේ,

01.පහළ ටැම්පිට විහාරය

02.උඩ (ඉහළ) ටැම්පිට විහාරය

යන දෙකම අදටත් දැකගත හැක.

විහාරයේ ඉතිහාසය

මෙම විහාර භූමියේ ආරම්භය ඉතා පැරණි යුගයක් දක්වා දිව යන බව ජනප්‍රවාද හා පුරාවිද්‍යා සාධක මගින් පෙන්වයි. සමහර මතයන් අනුව මෙහි මුල් ආරම්භය අනුරාධපුර යුගය දක්වා පැතිර යයි.

මහනුවර යුගයේ සංවර්ධනය

අද අපට දැකගත හැකි පහළ ටැම්පිට විහාරය
බොහෝ විට 15–16 වන සියවස් කාලයේ (මහනුවර යුගයේ ආරම්භක අවධිය) ඉදිකර ඇති බව විශ්වාස කෙරේ.

පසුව විහාරය විවිධ භික්ෂූන් වහන්සේලා හා දායකයන් විසින් ප්‍රතිසංස්කරණය කර ඇත.

ඉහළ ටැම්පිට විහාරය විහාරය 18–19 වන සියවස ආසන්න කාලයකදී ගම්වාසී දායකයන්ගේ සහායෙන්
ඉදිකර ඇති බවට සාධක පවතී.

චිත්‍ර හා ශිල්පීය වටිනාකම

බිත්ති චිත්‍ර

ටැම්පිට විහාර ගෙයි ඇතුළත,

බුද්ධ ජීවිත කතා,

ජාතක කතා,

සක්කාදි දේව රූප,

මහනුවර යුගයේ චිත්‍ර ශෛලිය පැහැදිලිව දක්නට ලැබේ.

මෙම චිත්‍ර සරල රේඛා, සීමිත වර්ණ, ආගමික අර්ථය ප්‍රමුඛ කරගත් රූ රටා යන ලක්ෂණ වලින් සමන්විත වේ.

ආගමික හා සංස්කෘතික වැදගත්කම

සාරාංශයක් ලෙස කඩිගමුව ටැම්පිට විහාරය කියන්නේ
 ටැම්පිට විහාර දෙකකින් සමන්විත,
මහනුවර යුගයේ ගෘහ නිර්මාණ හා චිත්‍ර කලාව රැකගත්,
ආගමික, ඉතිහාසික සහ පුරාවිද්‍යාත්මක වශයෙන් ඉතා වටිනා,

ශ්‍රී ලංකාවේ දුර්ලභ විහාරස්ථානයක් ලෙස හඳුන්වා දිය හැකිය.
 

Kadigamuwa Tampita Viharaya

_______________________________________

The full name of this temple, known as Kadigamuwa Tampita Viharaya, is "Sri Nagavanarama Rajamaha Viharaya". This is a very valuable archaeological and religious temple located in Kadigamuwa village, near Rambukkana, in the Kegalle District, Sabaragamuwa Province, Sri Lanka.

What is a Tampita Viharaya?

A Tampita Viharaya is a temple house built on stone pillars or stone floors.

A special feature of such temple houses is that they are raised above the ground and have a roof made of wood, clay (wattle & daub) and tiles to protect them from production and insect damage.

This architecture was especially popular during the Kandyan period (16–18 AD).

Speciality of Kadigamuwa Vihara

Although there are many Tampita Viharas in Sri Lanka, it is extremely rare to have a Tampita Vihara in the same temple area.

In Kadigamuwa Vihara,

01. Lower Tampita Vihara

02. Upper Tampita Vihara

Both can still be seen today.

History of the Vihara

Popular legends and archaeological evidence show that the beginning of this temple site dates back to a very ancient era. According to some memories, the original beginning extends to the Anuradhapura era.

Development of the Kandy era

The Lower Tampita Vihara that we can see today is believed to have its beginning in the 15th-16th century (the beginning of the Kandy era).

Later, the area was opened by various monks and donors.

There are evidences that the Upper Tampita Viharaya was established with the help of villagers around the 18th–19th century.

Artistic and artistic value

Wall paintings

Around the Tampita Viharaya house,

Buddha's life stories,

Jataka stories,

Sakkadi deva images,

Kannada period paintings can be found.

These paintings are characterized by simple lines, limited colors, and patterns that emphasize religious meaning.

Religious and cultural significance

In summary, the Kadigamuwa Tampita Viharaya is

A rare temple in Sri Lanka,

which consists of two Tampita Viharayas,

which preserves the architecture and art of the Kandy period,

and is very valuable in religious, historical and archaeological terms.

விவரங்கள்

මැදගොඩැල්ල ශ්රී සුමනාරාම පුරාණ විහාරය

රඹුක්කන නගරයේ සිට කිලෝමීටර 2ක් පමණ දුරින්, සොබාදහමේ නිස්කලංක පරිසරයක් මධ්‍යයේ පිහිටා ඇති මැදගොඩැල්ල ශ්‍රී සුමනාරාම පුරාණ විහාරය මහනුවර යුගයට අයත් ඉතිහාසගත බෞද්ධ සිද්ධස්ථානයකි. මෙම විහාරස්ථානය වීරපරාක්‍රම නරේන්ද්‍රසිංහ රජතුමාගේ (ක්‍රි.ව. 1707–1739) රාජ්‍ය සමයේ ඉදිකරන ලද බවට ජනප්‍රවාද හා ඉතිහාස තොරතුරු පෙන්වා දෙයි. අද දක්නට ලැබෙන නව ගොඩනැගිලි අතර විහාරයේ පැරණිතම සහ වටිනාම උරුමය වන්නේ එහි පිහිටි ටැම්පිට විහාරයයි.

ටැම්පිට විහාර ශ්‍රී ලංකාවේ උඩරට ගෘහනිර්මාණ ශිල්පයේ සුවිශේෂී අංගයකි. එය උස් ගල් කුළුණු මත ලී වේදිකාවක් තනා, ඒ මත ප්‍රතිමා ගෘහය ඉදිකරන ලද විහාර වර්ගයකි. මෙවැනි ඉදිකිරීම් ආකෘති අද වන විට ඉතා දුර්ලභ වන අතර, ශ්‍රී ලංකාවේ සංස්කෘතික හා වාස්තු විද්‍යාත්මක උරුමයේ වටිනා සාක්ෂි ලෙස සැලකේ.

මැදගොඩැල්ල ශ්‍රී සුමනාරාම විහාරයේ ටැම්පිට විහාරය ස්වාභාවික පාෂාණ තලයක් මත ඉදිකර ඇති අතර, එම පාෂාණය මත අඩි 2ක් පමණ උස වේදිකාවක් නිර්මාණය කර ඇත. එහි මත අඩි 1 අඟල් 8ක් පමණ උස කළුගල් කුළුණු 16ක් පිහිටුවා, ඒවා මත දැව බාල්ක සහ දැව පුවරු යොදාගෙන ප්‍රතිමා ගෘහය සකස් කර තිබේ. මෙවැනි ඉදිකිරීම උඩරට යුගයේ ශිල්පීය දක්ෂතාවය මනාව විදහා දක්වයි.

ප්‍රතිමා ගෘහය අඩි 14ක් දිගින් හා අඩි 8 අඟල් 6ක් පළලින් යුක්ත වන අතර, එය වටා පටු ප්‍රදක්ෂිණා මාර්ගයක් ද නිර්මාණය කර ඇත. ඉදිරිපස කොටස වඩාත් ඉඩකඩ සහිතව සකස් කර තිබූ අතර, මුල් කාලයේ කලාත්මක ලී වැටකින් වටකර තිබූ බව විශ්වාස කෙරේ. වර්තමානයේ එහි කොටස් ප්‍රතිසංස්කරණයන් හේතුවෙන් වෙනස් වී ඇත.

කාලයත් සමඟ සිදුකළ ප්‍රතිසංස්කරණ නිසා ටැම්පිට විහාරයේ මුල් ස්වභාවයේ ඇතැම් අංග අහිමි වී ඇත. පැරණි ලී හෝ ගල් පඩිපෙළ වෙනුවට සිමෙන්ති පඩිපෙළ ඉදිකර ඇති අතර, මුල් දැවමය බිම සිමෙන්ති හා සෙරමික් ටයිල් මගින් ආවරණය කර ඇත. එමෙන්ම බිත්තිවල පැවති ආරක්ෂක රූප හා චිත්‍ර ද අද වන විට දක්නට නොලැබේ.

1892 වසරේදී පුරාවිද්‍යාඥ එච්. සී. පී. බෙල් විසින් සකස් කළ වාර්තාවලට අනුව, මෙම ටැම්පිට විහාරයේ බිත්ති සුවිසි විවරණයේ සිතුවම්වලින් අලංකාර කර තිබූ අතර වහලය මල් හා ලියවැල් රටාවන්ගෙන් සරසා තිබුණි. එහෙත් අද වන විට එම සිතුවම් සම්පූර්ණයෙන්ම අතුරුදන් වී ඇති අතර, විහාරය තුළ දැකිය හැක්කේ හිඳි බුද්ධ ප්‍රතිමාවක් හා දෙපස හිටි බුද්ධ ප්‍රතිමා දෙකක් පමණි.

ඉතිහාසය, පුරාවිද්‍යාව, වාස්තු විද්‍යාව සහ බෞද්ධ උරුමය පිළිබඳ උනන්දුවක් දක්වන ඕනෑම අයෙකුට මෙම විහාරස්ථානය ඉතා වැදගත් සංචාරක හා ආගමික ගමනාන්තයකි. නිස්කලංක ග්‍රාමීය පරිසරයත්, උඩරට යුගයේ ශිල්ප සම්ප්‍රදායත් එකිනෙකට මුසු වී ඇති මෙම පුරාණ විහාරය රඹුක්කන ප්‍රදේශයේ සැඟවුණු උරුම සම්පතක් ලෙස සැලකිය හැකිය.

විහාරස්ථානයට පැමිණෙන ආකාරය

පින්නවල මධ්‍ය මහා විද්‍යාලය වෙත පැමිණ ඉදිරිපිට පිහිටි මැදගොඩැල්ල මාර්ගයට හැරී තවත් කිලෝමීටරයක් පමණ ගමන් කළ විට මැදගොඩැල්ල ශ්‍රී සුමනාරාම පුරාණ විහාරස්ථානය වෙත පහසුවෙන් ළඟා විය හැකිය.

761801250 122187243392932186 2413638372222660227 n